21 адуучин ур чадвараа уралдуулна

Ерөнхий сайдын ивээл дор энэ сарын 6-нд Хүй долоон худагт “Адуучин” тэмцээнийг зохион байгуулна. Тэмцээнд 21 аймгийн 21 шилдэг адуучин оролцох юм. Цаашид уламжлал болгон зохион байгуулах уг тэмцээнийг аялал жуулчлалын брэнд арга хэмжээ болгож, гадаад дотоодын жуулчдын аяллын хөтөлбөрт оруулах зорилготой ажээ.

Тэмцээнийг МҮОНРТ-ын сэтгүүлч Л.Цагаандалай зохион байгуулж байна. Тэмцээнд түрүүлсэн адуучин найман сая төгрөгийн шагнал хүртэх бол төрөл бүр дээр түрүүлсэн хүнд гурван сая төгрөгийн шагнал гардуулна. Адуучдыг бүртгэх ажил маргааш эхэлнэ.