36 шүүгч “сэжигтэн”-д тооцогдож байна

Бразилийн Рио-Де-Жанейро хотноо болсон зуны XXXI олимпийн наадмын боксын тэмцээн будлиан, маргаантай болсон талаар олон орны хэвлэл мэдээллийн хэрэгслээр цацагдсан.

Иймд олон улсын сонирхогчдын боксын холбоо /Amateur International Boxing Association/ удаан хугацаанд хуралдсаны эцэст “Рио-2016” олимпийн наадмыг шүүсэн бүх шүүгчийн эрхийг хасах шийдвэрийг гаргажээ. Үүнд 36 шүүгч ажилласан бөгөөд тэднийг одоогоор “сэжигтэн”-д тооцож байгаа аж.

Сонирхуулахад, олимпийн наадмын шударга бус шүүлтийн талаар тамирчид болон дэлхийн өнцөг булан бүрт байгаа боксын фанатууд удаа дараа гомдол гаргасан билээ.