А.Ганбаатар Хөлбөмбөгийн холбооны ерөнхийлөгч боллоо

Монголын Хөлбөмбөгийн холбооны IV их хурал үргэлжилж байна. Хурлаар холбооныхоо ерөнхийлөгч болон дэд ерөнхийлөгчийг сонгох юм. Тус холбоог МХБХ-ны Ерөнхийлөгчийн үүрэг гүйцэтгэгчийн албыг хашиж байсан А.Ганбаатар удирдахаар болжээ. Тэрбээр нийт 29 санал авсан бол түүнтэй өрсөлдсөн МХБХ-ны дэд ерөнхийлөгч асан Б.Мэдрээ 22 саналыг авсан байна.

Саналын дүнгээр ийн А.Ганбаатар МХБХ-ны Ерөнхийлөгчөөр сонгогдлоо. Санал хураалтад хөлбөмбөгийн клубууд болон орон нутгийн 52 төлөөлөгч оролцсон бөгөөд 52 саналын нэг саналыг хүчингүйд тооцож, 51 саналыг тоолж, дүнг гаргажээ.