А.Цэвээн Хөдөлмөрийн баатар боллоо

Монгол Улсын Ерөнхийлөгч Ц.Элбэгдоржийн зарлигаар МУГТ, гарамгай мэргэн А.Цэвээнд Хөдөлмөрийн баатар цол хүртээлээ.

Хөдөлмөрийн баатар А.Цэвээн нь өдгөө 90 насны сүүдэр зооглож байгаа бөгөөд 40 гаруй жил тасралтгүй сур харвасан нэгэн билээ. Тэрээр Дорнод аймгийн Баян-Уул сумын харьяат бөгөөд улсын наадамд дөрвөн удаа түрүүлж, найман удаа дэд байрт шалгарч байжээ.

Сүүлийн жилүүдийн баяр наадмаар харваа бүрийн эхэнд сум тавих хүндтэй үүргийг хүлээж байна.