Аэробик гимнастикийн улсын аварга шалгаруулах тэмцээн Орхон аймагт боллоо
16 багийн 200 гаруй тамирчин өрсөлдөж, аваргуудаа тодруулжээ
Мэдээллийн алба
Монголын Гимнастикийн холбооноос уламжлал болгон зохион байгуулдаг өсвөрийн улсын аварга шалгаруулах тэмцээн өнгөрөгч амралтын өдрүүдэд Орхон аймагт амжилттай зохион байгуулагджээ.
Аэробик гимнастикийн 2019 оны Өсвөрийн улсын аварга шалгаруулах 15 дахь удаагийн тэмцээний нээлтийн үйл ажиллагаанд Орхон аймгийн Засаг дарга Д.Батлут, “Эрдэнэтийн дулааны цахилгаан станц” ТӨХК-ийн гүйцэтгэх захирал Л.Эрхбаатар, тус аймгийн БТСГ-ын дарга Н.Зулбаатар, “Эрдэнэт үйлдвэр” ТӨҮГ-ын “Хангарьд” спорт цогцолборын дарга Ш.Даваахүү, Монголын Гимнастикийн холбооны ЕНБД, ОУ-ын хэмжээний мастер, ОУ-ын шүүгч Г.Ерөөлбат, Монголын Гимнастикийн холбооны Удирдах зөвлөлийн гишүүн Орхон аймгийн Гимнастикийн холбооны тэргүүн Ц.Ариунаа болон албаны бусад хүн оролцлоо.
Тус тэмцээнд нийслэл, дүүрэг, аймаг, орон нутгаас шалгарсан 16 багийн 200 гаруй тамирчин өрсөлдөж, аваргуудаа тодруулжээ.
