“Алтай” хамтлагийн тоглолт энэ сарын 22-нд болно

Монголын үндэсний язгуур урлагийн “Алтай” хамтлаг энэ сарын 22-нд УДЭТ-ын тайзнаа “Өвгөдийн захиас” хэмээх тоглолтоо хийх гэж байна.

Тус хамтлаг нь “Олонхо” олон улсын язгуур урлагийн наадамд амжилттай оролцож, шилдэг уран бүтээл, шилдэг хамтлаг, шилдэг хөгжимчний шагналыг хүртэж, ОХУ-ын Буриад улсад болсон “Нүүдэлчдийн дуу хоолой” олон улсын наадмын олны талархал хүлээсэн хамтлагаар шалгарч байв. Мөн Монгол Улс дахь АНУ-ын элчин сайдын яамны “Талархал”, Дэлхийн Хөөмэйн Нэгдсэн Холбооны “Оны шилдэг хөөмэйн хамтлаг”-аар өргөмжлөгдсөн билээ.

Мөн АНУ, ХБНГУ, Парис, Шотланд зэрэг өндөр хөгжилтэй оронд тоглолтоо хийж байв.