“Алтайн бахархал” наадам энэ амралтын өдрүүдэд болно

Говь-Алтай аймагт жил бүр уламжлал болгон явуулдаг “Алтайн бахархал” наадам энэ амралтын өдрүүдэд арав дахь жилдээ болно.

2010 оноос эхэлсэн тус наадам энэ жил "Алтайн хурд-2019" шигшмэл морьдын уралдаан нэрийн дор болох юм. Энэ удаагийн наадамд зөвхөн Говь-Алтай аймгийн уяачдын уясан зургаан насны морьд уралдаж, азарга, их насны морьдыг урилга, мандатаар уралдуулан, азарга, их нас, соёолон насны түрүүлсэн морийг автомашинаар байлахаар болжээ.