Америк бүсгүйчүүд цомын төлөө өрсөлдөнө

Канад улсад зохион байгуулагдаж байгаа Эмэгтэйчүүдийн Хөлбөмбөгийн Дэлхийн аварга шалгаруулах тэмцээний хагас шигшээн эхний тоглолт өнөө өглөө Монреаль хотын Олимпик цэнгэлдэх хүрээлэнд боллоо. Герман, АНУ-ын шигшээ багуудын хооронд явагдсан энэ тоглолтонд Америкийн бүсгүйчүүд хоёр гоолыг оруулан ялалт байгуулсан байна. АНУ-ын шигшээ багаас хагас хамгаалагч Карли Лойд 69, Келли О хара 84 дэх минутанд гоол оруулжээ. Ингэснээр тэд аваргын цомын төлөө Япон, Английн шигшээ багуудын аль хожсонтой нь өрсөлдөнө.