Амжилтыг нь эргэн саная

Агваансамдангийн Сүхбат 1971 оны зургадугаар сарын 30-нд Төв аймгийн Сэргэлэн суманд төрсөн.

Үндэсний бөхийн дархан аварга, сонирхогчдын сүмо бөхийн дэлхийн хошой аварга, Монгол Улсын гавьяат тамирчин цолтой бөх. Мөн 2016 оны УИХ-ын сонгуульд МАН-аас нэр дэвшин сонгогдсон УИХ-ын гишүүн, улс төрч юм.

Амжилт:

Дархан аварга

2014

Даян аварга

2007

Далай аварга

2004

Улсын аварга

2001

Улсын арслан

2000

Улсын заан

1997

Улсын начин

1993

Улсын наадмын түрүү:

2000, 2001, 2004 онд

Шөвгөрсөн

1993, 1997, 1998, 1999, 2000, 2001, 2002, 2003, 2004, 2005, 2006 онд

Цагаан сарын барилдааны амжилт:

1999, 2001 онд түрүүлж, 2003 онд үзүүрлэсэн.

Үндэсний бөх

1993 онд 6 давж улсын начин цол, "Өсөх идэр" чимэг,

1997 онд 7 давж улсын заан цол,

1998 онд 6 давж үлэмж бадрах чимэг,

1999 онд 5 давж саруул сайжрах чимэг,

2000 онд 9 давж түрүүлэн улсын арслан цол,

2001 онд 10 давж түрүүлэн улсын аварга цол,

2002 онд 7 давж хуйрнин шуугигч чимэг,

2003 онд 7 давж саруул сайжрах чимэг,

2004 онд 9 давж түрүүлэн далай аварга болов

2005 онд 6 давж үнэн зоригт чимэг,

2006 онд 6 давж цогт гарамгай чимэг тус тус хүртэж, шөвгөрснийхөө дараа зодог тайлснаа зарласан.

2007 онд Монгол Улсын Ерөнхийлөгч Намбарын Энхбаярын зарлигаар Даян аварга цол олгосон.

2014 оны долоодугаар сарын 7-нд Үндэсний их баяр наадмын тухай хуульд өөрчлөлт орсонтой холбогдон Ерөнхийлөгч Цахиагийн Элбэгдоржийн зарлигаар дархан аварга цол хүртсэн.

Сонирхогчдын сүмо бөх:

Дэлхийн аварга шалгаруулах тэмцээнд хоёр удаа түрүүлсэн.

Чөлөөт бөх

1997 оны Ази тивийн аварга шалгаруулах тэмцээнд мөнгөн медаль хүртсэн. Олон улсын хэмжээний мастер цолтой.