АНУ-ын Армийн штабын дарга Рэнди Жоржийг огцрохыг шаарджээ

АНУ-ын Армийн штабын дарга Рэнди Жоржийг албан тушаалаасаа огцрохыг Дональд Трампын захиргаа шаардсан талаар тус улсын хэвлэлүүд мэдээллээ.

Огцрох шаардлагын шалтгааны талаар албан ёсны дэлгэрэнгүй тайлбар хараахан гараагүй байна. Зарим мэдээлэлд дурдсанаар АНУ-ын Батлан хамгаалах салбарын удирдлагын шинэчлэл, бодлогын өөрчлөлттэй холбоотойгоор ийм шийдвэр гарсан байж болзошгүй аж. Трампын захиргаа цэргийн удирдлагын бүтцэд өөрчлөлт хийх талаар өмнө нь байр сууриа илэрхийлж байсан талаар хэвлэлүүд онцолжээ.

АНУ-ын Батлан хамгаалах яам энэ асуудалтай холбоотой албан ёсны мэдэгдэл хийх төлөвтэй байгаа талаар эх сурвалжууд мэдээлсэн байна. Рэнди Жорж 2023 онд АНУ-ын Армийн штабын даргаар томилогдож, армийн шинэчлэл, зэвсэглэл, стратегийн төлөвлөлтийн чиглэлээр ажиллаж байсан юм.

Ийнхүү АНУ-ын армийн дээд удирдлагад өөрчлөлт хийх шийдвэр гарч болзошгүй болсон нь Вашингтоны батлан хамгаалах бодлогын чиглэлд шинэ өөрчлөлт гарах магадлалтайг ажиглагчид онцолж байна.