Ардын дуунуудыг дан хөгжмийн бүтээл болгон тоглоно

Морин хуурын чуулгын “Торгоны хээ” цагаан сарыг угтсан дан ардын дууны хөгжмийн бүтээл эгшиглэх гэж байна.

Ард түмнийхээ урлан ургуулах их авьяас билгээр бүтсэн олон үндэстэн ястны эртнээс дуулагдаж ирсэн ардын дуунуудыг дан хөгжмийн бүтээл болгон найруулан тоглоно.

Тухайн дууг үндсэн хэллэг, аяар нь тэмдэглэн тоглуулж ардын хөгжмөөр хөгжимдөх арга зүйтэй нягт уялдаатай хадгалах, ардын дууны арвин их өв санг судлан, сурвалжилж, мартагдаж буй судлагдаагүй дууг нийтэд ил болгон хүргэх, өвлүүлэх зорилготой тайлбарт концерт болох юм.