Ардын жүжигчин Г.Гомбосүрэнгийн нэрэмжит шилдэг дүр бүтээх уралдаан боллоо
Хөдөлмөрийн баатар, Ардын жүжигчин Г.Гомбосүрэнгийн нэрэмжит мөнгөн шагналыг ардын жүжигчин П.Цэрэндагва хүртэв
Мэдээллийн алба
УДЭТ, Гомбосүрэн сан хамтран “Алтан үе”-ийн ахмад уран бүтээлчдийн нэг Хөдөлмөрийн баатар, Ардын жүжигчин, Төрийн шагналт Гомбожавын Гомбосүрэнгийн нэрэмжит шилдэг дүр бүтээх уралдааныг энэ сарын 22-нд зохион байгуулж таван төрөлд шилдгийг тодруулан батламж, мөнгөн шагнал гардууллаа.
Тухайлбал, шилдэг эмэгтэй туслах дүр В.Шекспир "Отелло" жүжгээр Ц.Цэлмүүн, шилдэг эмэгтэй дүр В.Шекспир "Макбет" жүжгээр Б.Золзаяа, Д.Асардарь, шилдэг эрэгтэй туслах дүр В.Шекспир "Отелло" жүжгээр Г.Ганбат, шилдэг эрэгтэй дүр В.Шекспир "Гамлет" жүжгээр соёлын тэргүүний ажилтан Г.Алтангэрэл, шилдэг бүтээлч хандлагатай багаар "Макбет" жүжгээр Б.Золзаяа, Д.Асардарь нар шалгарчээ.
Мөн Хөдөлмөрийн баатар, Ардын жүжигчин Г.Гомбосүрэнгийн нэрэмжит мөнгөн шагналыг ардын жүжигчин П.Цэрэндагва хүртэв.
