“Арсенал” улирлын эхний ялалтаа авлаа

Английн премьер лигийн 2015-2016 оны улирлын хоёрдугаар тойргийн тоглолтууд үргэлжилж байна. Өчигдөр улирлыг амжилттай эхлүүлсэн “Кристал Палас” клуб талбайдаа “Арсенал”-ыг хүлээн авч, тоглолоо.

Эхний тоглолтдоо ялагдаад байсан “Арсенал” өрсөлдөгчөө талбайд нь 1:2-оор буулган авч, улирлын анхны хожлоо авлаа. Тоглолтын 16 дахь минутад Жиру гайхалтай нэгэн гоолоор тооны харьцааг нээсэн. Харин 28 дахь минутад Жеми Уорд хариуг нь барьж, тэнцүүлэх нь тэр. Гэвч 55 дахь минутад Дилэйни өөрийнхөө хаалганд авто гоол оруулснаар “Арсенал”-д гурван оноо бэлэглэсэн юм.