Аварга хулуу 45 кг байжээ

Сэлэнгэ аймгийн Шаамар сумын иргэн, өндөр настан н.Намжилмаа олон жил хүнсний ногоо тарьж байгаа туршлагатай ногоочин юм.

Тэрээр хашаандаа жижиг талбайд төрөл бүрийн нарийн ногоо тарихаас гадна нэг га хүнсний ногооны талбайдаа ногоогоо тарьдаг ажээ. Энэ жил түүний тарьсан хулуунууд маш их томорч ургацын манлай болсон байна. Намжилмаа гуай сумынхаа соёл, эдийн засгийн өдрөөр зохион байгуулсан ногоочдын үзэсгэлэн худалдаан дээр аварга хулуугаа тавьсан байлаа. ОХУ-ын аварга нэртэй үрээр тарьсан энэ хулуу 45 кг татжээ.