“Азийн хүүхдүүд” наадмыг 2020 онд Монгол Улсад зохион байгуулна

“Азийн хүүхдүүд” олон улсын наадамд манай улс 1996 оноос хойш тамирчдаа тасралтгүй оролцуулж байна. Энэ удаагийн наадамд Монголын тамирчид байт харваа, бокс, буудлага, волейбол, даам, шатар, гимнастик, чөлөөт бөх, жудо бөх, самбо бөх, сагсан бөмбөг, таеквондо, ширээний теннис, хөнгөн атлетик, усан спорт, кураш бөх, мод таталт, хапсагай бөхийн спортын 18 төрөлд өрсөлдөж буй юм.

“Азийн хүүхдүүд” спортын наадмыг зохион байгуулах Олон улсын хорооны хурлаар 2020 онд спортын VII наадмыг Монгол Улсад зохион байгуулахаар шийдвэрлэлээ. Тус хорооны гишүүд Эрүүл мэнд, спортын сайд С.Ламбаа, ЭМСЯ-ны БТСБХЗГ-ын дарга Х.Бакытжан, БТСХТ-ийн дарга Д.Жаргалсайхан, МҮОХ-ны ЕНБД Ж.Отгонцагаан нартай уулзалт хийх үеэрээ энэ тухай ярилцсан байна. Хүүхдийн наадам өндөрлөхөөр тус тэмцээний далбааг манай улсад хүлээлгэн өгөх юм.