Азийн өсвөрийн шатарчид Улаанбаатарт дахин чуулна

Ази тивийн аварга шалгаруулах өсвөрийн шатарчдын тэмцээн ирэх оны дөрөвдүгээр сарын 5-15-ны өдрүүдэд Улаанбаатар хотноо болохоор болсон. Энэ хүрээнд Азийн өсвөрийн шилдэг шатарчид дахин манайд цуглахаар болж байна.

Өнгөрөгч наймдугаар сарын 19-28-ны өдрүүдэд 16 хүртэлх насны шатрын дэлхийн олимпиад Улаанбаатар хотноо болсон. Энэхүү тэмцээнд дэлхийн 23 орны 35 багийн 160 гаруй шатарчин оюун ухаанаараа өрсөлдсөнөөс Иран улсын баг түрүүлж, Энэтхэг, ОХУ-ын баг удаалсан. Тэмцээнийг зохион байгуулагч давуу эрхийн дагуу манай улсаас 10 баг оролцсоноос "Завхан" баг IX, "Монгол-1" X байрт орсон юм.