Б.Ариунцог, Б.Өнөржаргал нар хүрэл медаль хүртлээ

Азийн олимпийн зөвлөлийн ивээл дор зохион байгуулагддаг Азийн элсний V наадам Вьетнамын Данан хотноо өнгөрсөн бямба гарагт эхэлсэн. Тэгвэл тус наадмын эхний өдөр жиү жицү бөхийн эрэгтэйчүүдийн -94 кг жингийн тамирчин, Ховд аймгийн харьяат, “Garuda” клубын тамирчин Б.Ариунцог, +94 кг жингийн тамирчин, Өвөрхангай аймгийн харьяат, “Женко” клубын тамирчин Б.Өнөржаргал нар хүрэл медаль хүртлээ.

Наадам ирэх аравдугаар сарын 3 хүртэл спортын 21 төрлөөр зохиогдох бөгөөд манай тамирчид жиү жицү, самбо, кураш, бодибилдинг, петанк, волейбол, сагсан бөмбөг 3х3 гэсэн төрлөөр өрсөлдөнө.

Азийн элсний наадмын төрлүүд:

• Усанд сэлэлт - марафон

• Элсний хөл бөмбөг

• Элсний волейбол

• Элсний гандбол

• Сагсан бөмбөг 3х3

• Элсний бөх

• Самбо

• Жиү Жицү

• Кураш

• Мутай бокс

• Үндэсний бие хамгаалах урлаг

• Элсний петанк

• Модон бөмбөг

• Хөнгөн атлетик

• Бодибилдинг