Б.Буман-Учрал Хөлбөмбөгийн холбооны дэд ерөнхийлөгчөөр сонгогдлоо

Монголын хөлбөмбөгийн холбооны IV их хурлаар ерөнхийлөгч болон дэд ерөнхийлөгчөө сонголоо. МХБХ-ны ерөнхийлөгчөөр А.Ганбаатарыг сонгосон бол дэд ерөнхийлөгчийн сонгуульд П.Болд 23, Б.Буман-Учрал 22, н.Ганхүү долоон санал авсан байна.

Нийт төлөөлөгчдийн 50-иас дээш хувийн саналыг хэн ч аваагүй учраас хамгийн олон санал авсан Болд, Б.Буман-Учрал нарын хооронд дахин санал хураалт явуулснаар Б.Буман-Учрал 28, П.Болд 23 санал авчээ. Б.Буман-Учралын хувьд хөлбөмбөгийн спортын Олон улсын хэмжээний мастер цолтой юм.