Б.Сэр-Од мөнгөн медаль хүртлээ

Манай улсын марафон гүйлтийн тамирчин Б.Сэр-Од өнгөрсөн оны сүүлээр Японы “NTT” компанитай гэрээ байгуулж тус компанийн нэрийн өмнөөс олон улсын тэмцээнүүдэд оролцож байгаа.

Гадны орны нэр дээр гүйх болсон Монгол Улсын гавьяат тамирчин Б.Сэр-Од ээлжит амжилтаа гаргажээ. Тэрээр Японы Нагано хотноо өвлийн олимпийн наадам зохион байгуулсны дурсгалд зориулсан марафон гүйлтийн олон улсын тэмцээнд хоёрдугаар байрт орж мөнгөн медаль хүртсэн байна.