Б.Төмөрбаатар олимпид шүүгчээр ажиллана

Дэлхийн бөхийн нэгдсэн холбоо (UWW)-аас “Рио-2016” олимпийн наадамд хянан тунгаах 50 шүүгчийн нэрийг дөнгөж сая зарлалаа. Энэхүү жагсаалтад Монгол Улсын иргэн, олон улсын олимпийн зэрэглэлийн шүүгч Б.Төмөрбаатар багтжээ. Тэрбээр чөлөөт бөхийн төрлийг дэнслэх юм. Олон улсын чанартай тэмцээнийг шүүж байсан болохоор түүнд хамт олон нь найдлага тавьж буй биз ээ. Тэгээд ч манай улс шүүгчээ багтаасан нь Монгол Улсын тамирчинд наад зах нь сэтгэлзүйн хувьд нөмөртэй билээ.