Б.Ууганхүүг нутгийнхан нь ёслол төгөлдөр угтан авлаа

“Рио 2016” паралимпийн наадмаас хүрэл медаль хүртсэн жүдоч Б.Ууганхүүг Дорноговьчууд өнгөрсөн бямба гарагт нутагтаа хүндэтгэлтэйгээр угтан авлаа.

Мөн энэ үеэр түүнд Дорноговь аймгийн нутгийн зөвлөлийн тэргүүн, УИХ-ын гишүүн Б.Дэлгэрсайхан Улаанбаатар хотод хоёр өрөө байр бэлэглэж, түлхүүрийг нь гардуулав. Түүнчлэн тус аймгийн нутгийн зөвлөл, Тамгын газар, нутгийн иргэд 30 сая төгрөгөөр шагналаа.