Баавар болон түүний хамсаатнуудын хэргийг хэвээр үлдээлээ

“Дижитал” хамтлагийн ахлагч Батбаяр болон түүний хамсаатан Т.Алтай, Г.Адьяасүрэн нар давж заалдах шатны шүүхэд гомдол гаргаад байсан юм. Үүний дагуу өнөөдөр Нийслэлийн давж заалдах шатны шүүх хэргийг дахин хянаад, анхан шатны шүүхийн шийдвэрийг үндэслэлтэй байна гэж үзэн хэргийг хэвээр нь баталлаа.

Хар тамхины хэрэгт холбогдсон Ш.Батбаяр, Т.Алтай, Г.Адьяасүрэн нарт анхан шатны шүүхээс хэргийг хянаж зургаан зүйл ангид заасны дагуу ял оноосон билээ. Харин өнөөдрийн давж заалдах шатны шүүхийн шийдвэрийн дараа тэдний өмгөөлөгч нар Улсын дээд шүүхэд хандахаа илэрхийлсэн юм.