“Багачуудын музей” нээлтээ хийлээ

“Багачуудын музей” энэ сарын 22-23-нд Шангри-Ла Моллын гуравдугаар давхарт нээлтээ хийлээ. Энэ төвөөр 2-7 насны хүүхдүүд үйлчлүүлэх боломжтой юм. Тус музей нь нэг дор 60 хүүхэд тоглуулах хүчин чадалтай аж. Багачуудад тоглоомоор нь дамжуулан хичээл заах тус музейн эхний үзмэр нь "Барилгачин найзууд". Энэ үзмэрийг үзэж сонирхсоноор хүүхэд багачууд тоо тоолж, өнгө ялгаж сурахаас гадна эцэг, эхтэйгээ цагийг зөв боловсон өнгөрүүлнэ гэж тус музейн Медиа арга хэмжээ хариуцсан ажилтан Т.Оюунтүлхүүр хэлж байлаа.