Байт харвааны дэлхийн аварга тодорно

Туркийн Анталия хотноо Байт харвааны насанд хүрэгчдийн ДАШТ 9 сарын 30-нд эхэлсэн. Харин тэмцээний аваргыг 10 сарын 6-нд тодруулна. Манай улс энэ удаагийн ДАШТ-д эмэгтэй, эрэгтэй бүтэн багаараа оролцож байна. Эмэгтэйчүүдийн төрөлд ОУХМ Б.Урантунгалаг (“Хангарьд” клуб), ОУХМ А.Энхтуяа (“Хангарьд” клуб), ОУХМ Н.Ариунбилэг, эрэгтэйчүүдээс ОУХМ Ж.Гантөгс, ОУХМ Г.Ган-Эрдэнэ, ОУХМ Б.Долгорсүрэн нар өрсөлдөж байна.

Энэ удаагийн ДАШТ-ний үеэр дэлхийн байт харвааны холбооны ээлжит чуулганыг зохион байгуулж байгаа ба манай улсаас гурван төлөөлөгч оролцож байна.