"Боржигин чуулга" хилийн чинадад тоглоно

Азийн урлагийн 14-р наадамд эх орноо төлөөлөн Говьсүмбэр аймгийн "Боржигин чуулга" оролцож байгаа юм. Энэ наадамд Азийн 30 гаруй улс орны нийт 350 гаруй уран бүтээлч оролцоно.

Өмнөд Хятадын томоохон хотын нэг Чоанжоүд манай уран бүтээлчид өчигдөр тайз, хөгжим, дуу аппратур, заал танхимтайгаа танилцаж, тоглолтын бэлтгэлдээ оржээ. Азийн урлагийн наадам энэ сарын 8-нд эхлэх юм байна. "Боржигин" чуулгын тоглолт 11 дүгээр сарын 10, 11-нд тус бүр 80 минут үргэлжилнэ.