Буурай орнуудад тамхины татварыг нэмэхэд жилд 281 мянган хүүхдийн амь нас аврагдана

Орлого багатай хөгжлөөр буурай орнуудад тамхины татварыг өндөрсгөснөөр ядуу айл өрхийн хүүхдүүдэд хамгийн ач тустай байх судалгаа гарчээ. Ийм улс орнууд тамхины татварыг нэмсэн нөхцөлд жилд 5 хүртэлх насны 250 мянга гаруй хүүхдийн амь насыг авран хамгаалах боломжтой гэж үзсэн байна.

Дам тамхидалтын уршгаар бага насны хүүхдийн уушгины хэвийн ажиллагаа алдагдаж, багтраа болон гэнэтийн үхэлд хүргэх аюултай бусад өвчлөлд өртөмтгий болдог. Тамхидалтыг багасгахын тулд ДЭМБ тамхины татварыг жижиглэнгийн үнийн 75 хувиар өсгөхийг улс орнуудад уриалдаг. Энэ уриалгыг судалгаанд хамрагдсан 94 улсаас 10 нь л биелүүлжээ.

Эрүүл мэндийн “Ланцет” сэтгүүлд нийтлэгдсэн судалгаагаар, 2021 онд тэдгээр 94 улсад эндсэн 4,7 сая хүүхдийн 6 хувь буюу 281 мянга орчмыг аварч болох байсан гэж дүгнэжээ. Ийм маягаар тамхины татвар, хүүхдийн эрүүл мэнд хооронд маш нарийн холбоо хамаарал байдгийг судалгааг удирдсан Шведийн Каролины хүрээлэнгийн захирал Марта Радо онцолжээ.