“Бяцхан нүүдэлчид”-ийн амьдралд саатаарай

Уран бүтээлч Ц.Одгэрэл “Бяцхан нүүдэлчид” бие даасан үзэсгэлэнгээ нээжээ. Түүний үзэсгэлэнд хөдөө нутгийн амар тайван амьдрал дунд өсөж буй, аз жаргалтай бяцхан хүүхдүүдийг дүрсэлсэн бүтээлүүдийг олон нийтэд толилуулахаар дэлгэжээ.

Агаар, экологийн бохирдол, тасралтгүй дуу чимээ, эмх замбараагүй барилга байшингийн дунд өрнөх хотын амьдралтай харьцуулахад хөдөө нутаг диваажингийн орон мэт сэтгэгдэл төрүүлнэ.

Уран бүтээлч Ц.Одгэрэл Монгол Улсын тэргүүлэх музей галерей, мөн Хятадын Бээжин хотод болсон 20 гаруй үзэсгэлэнд бүтээлээрээ оролцож байсан. Тэрээр 2013 онд "Өнгө ба Хар Цагаан", 2006 онд "Төгс Мэдрэмжийн Эрэлд" уралдаануудын тэргүүн шагнал авч байжээ.