Чебурашкагийн шинэ анги гарна

Японы найруулагч Макото Накамура Чебурашкагийн тухай хийсэн хүүхэлдэйн шинэ киногоо энэ сарын 25-нд Петербург хотноо болох ардын урлагийн “AVA Expo 2014” наадмын үеэр олон нийтэд үзүүлэхээр болжээ.

Тэрбээр уг киног өмнө нь Зөвлөлтийн үед бүтээлцэж байсан зураач Леонид Шварцман болон бусад Оросын хүүхэлдэй бүтээгчид, зураачидтай хамтран бүтээжээ.

Уг кино нь гурван хэсгээс бүрдэх ба зураг авалт нь зургаан жил орчим үргэлжилсэн юм. Киноны нээлттэй холбогдуулан Чебурашкагийн дүрстэй бэлэг дурсгалын зүйл Японд зарагдаж эхэлсэн байна.