Чингисхаан Эрдоган Туркийн аварга болжээ

Саяхан Туркийн Самсун хотод тус улсын эрэгтэй чөлөөт бөхийн аварга шалгаруулах тэмцээн болж 57 кг-ын жинд Сезар Акгюль, 61 кг-ын жинд Чингисхаан Эрдоган, 65 кг-ын жинд Мустаф Кай, 70 кг-ын жинд Якуп Гор, 74 кг-ын жинд Сонер Демирташ, 86 кг-ын жинд Селиш Яшар, 97 кг-ын жинд Ибрахим Болукбаши, 120 кг-ын жинд Таха Акгюль нар түрүүлжээ.

Жин тус бүрт түрүүлсэн бөхчүүд Азербайжаны Баку хотод болох Европын анхдугаар спортын наадамд оролцох эрх авсан юм. Гэхдээ 61 кг-ын жинд Чингисхаан Эрдоган биш Мунир Реджеп Акташ явах болжээ. Учир юу гэвээс Чингисхаан Эрдоган нь ОХУ-ын бөх байсан тул Оросын бөхийн төрлүүдийн холбооноос зохих зөвшөөрлийг аваагүй аж.

Тува улсын Чадан хотод төрсөн, ОХУ-ын Гавьяат тамирчин, Европын гурван удаагийн аварга, ОХУ-ын аварга шалгаруулах тэмцээний хүрэл, дөрвөн мөнгөн медальт Опан Сат иргэншлээ сольж энэ оны дөрөвдүгээр сард Туркийн иргэн болж Чингисхаан Эрдоган нэр авсан аж.

МЧБХ