Чөлөөт бөхийн эрэгтэй шигшээ баг Бразилийг зорьлоо

“Рио-2016” олимпийн наадамд оролцох чөлөөт бөхийн эрэгтэйчүүдийн шигшээ багийн тамирчид өнөөдөр Бразил Улсыг зорьлоо. Рио-гийн олимпийн чөлөөт бөхийн энэ төрөлд манай улсаас 57 кг-д ДАШТ-ий хүрэл медальт, гавьяат тамирчин Э.Бэхбаяр, 65 кг-д ДАШТ-ий хошой хүрэл медальт, гавьяат тамирчин Г.Мандахнаран, 74 кг-д ДАШТ-ий мөнгөн медальт П.Өнөрбат, 86 кг-д ОУХМ О.Үйтүмэн, 96 кг-д Д.Хүдэрбулга, 125 кг-д Ж.Чулуунбат нар зодоглоно.

Багийн дасгалжуулагчаар, Монгол Улсын гавьяат дасгалжуулагч Ц.Цогтбаяр, О.Пүрэвбаатар, дасгалжуулагч Л.Энхбаяр нар ажиллах юм. Барилдаан энэ сарын 19-21-нд болно.