Д.Алтансүх хүрэл медаль хүртлээ

Узбекистаны нийслэл Ташкент хотноо жүдо бөхийн гран при тэмцээн болж өндөрлөлөө. Тэмцээнд манай улсын гавьяат тамирчин Д.Амартүвшин, ОУХМ Д.Алтансүх нар зодоглосон бөгөөд эрэгтэйчүүдийн 66 кг жинд хүч үзсэн Д.Алтансүх хүрэл медаль хүртлээ.

Тэрбээр эхний тойрогт хийлж, хоёр дахь барилдаанаа Азербайжаны бөхтэй хийж ялсан бол мөнгөн медалийн төлөө ДАШТ-ий хүрэл медальт Японы тамирчин Кенго Такаичтэй өрсөлдсөн ч ялагдав. Ийнхүү хүрэл медалийн төлөөх барилдаанд Узбекистаны С.Нуриллаевыг юүко үнэлгээгээр ялсан юм.

Эрэгтэйчүүдийн 60 кг жинд хүч үзсэн ДАШТ-ий мөнгөн медальт Д.Амартүвшин эхний тойрогтоо Казахстаны бөхийг ялсан ч Словен, Узбекистаны бөхөд ялагдсанаар тавдугаар байр эзэллээ.

Тэмцээнд 15 орны 139 жүдоч өрсөлдсөн юм.