Д.Бадамхатан дээд амжилтыг шинэчлэн тогтоолоо

Хэт холын марафон гүйлтийн тэмцээн өнгөрсөн амралтын өдрүүдэд Солонгосын Бусан хотод болж өндөрлөлөө. 13 дахь жилдээ уламжлал болгон зохион байгуулсан олон улсын нээлттэй тэмцээнд 12 орны 200 орчим тамирчин гурван төрөл, зайд өрсөлджээ. Манай улсаас Д.Бадамхатан түрүүлж, алтан медалиар энгэрээ мялаасан байна. Тэрбээр 100 км зайг туулсан бөгөөд ингэснээрээ Монгол Улсын дээд амжилтыг шинэчлэн тогтоожээ.