Д.Бямбадорж, М.Ананд нар бэртлийн улмаас тэмцээнээ орхилоо
Башёг озэки Кисэносато 10 даваатай ганцаараа тэргүүлсэн хэвээр байгаа бол их аварга Хакүхо М.Даваажаргал, маэгашира-10 Таканойва А.Баасандорж, Сококура нар есөн даваа, хоёр унаатай удаалж байна.
Мэдээллийн алба
Токио хотноо болж буй нэгдүгээр сарын тэмцээн өндөрлөхөд дөрвөн өдрийн барилдаан үлдлээ. Өчигдөрийн барилдаанд ёкозүна Какүрюү М.Ананд дэвжээнд гараагүй. Учир нь түүний хүзүүний гэмтэл сэдэрснээс 11 дэх өдрийн барилдааныг өнжиж, цааш үргэлжлүүлэх боломжгүй болсноор озэки Котошёогикү дөрөв дэх даваагаа авсан юм.
Какүрюү М.Ананд өнөөдрийг хүртэл таван даваа, зургаан унаатай башёг үргэлжлүүлж байсан билээ. Ингэснээр Харүмафүжи Д.Бямбадорж, Какүрюү М.Ананд нар бэртлийн улмаас тэмцээнээ орхилоо.
Башёг озэки Кисэносато 10 даваатай ганцаараа тэргүүлсэн хэвээр байгаа бол их аварга Хакүхо М.Даваажаргал, маэгашира-10 Таканойва А.Баасандорж, Сококура нар есөн даваа, хоёр унаатай удаалж байна.
