Д.Нацагдоржийн амьдрал, уран бүтээлийн тухай жүжгийн зохиол бичнэ

Монголын орчин үеийн уран зохиолыг үндэслэгчдийн нэг, зохиолч, яруу найрагч Д.Нацагдоржийн мэндэлсний 110 жилийн ойг тохиолдуулж их зохиолчийн амьдрал, уран бүтээлээс сэдэвлэсэн жүжгийн зохиолын уралдааны бүртгэл үргэлжилж байна.

Шалгарсан зохиолыг нийслэл, орон нутгийн театруудын урын санг баяжуулах зорилгоор тайзнаа амилуулна. Оролцогчид бүтээлээ УДЭТ-ын бичиг хэргийн ажилтанд ирэх сарын 1-нээс өмнө хүлээлгэн өгөх юм байна. БСШУЯ-наас томилогдсон комисс ажиллаж, эхний гурван байрыг шалгаруулж, зургаадугаар сарын 18-ны дотор нийтэд танилцуулах ажээ.

Шагналын хувьд нэгдүгээр байр 10, хоёр, гуравдугаар байр эзэлсэн бүтээлийн эзэн ес, зургаан сая төгрөгийн эзэн болно.