Д.Нямхүү Хөдөлмөрийн гавьяаны улаан тугийн одон хүртлээ
Мөн ирэх есдүгээр сард дөрвөн жилд нэг удаа болдог наадам Сочи хотноо болохоор төлөвлөгдөөд байгаа аж.
Мэдээллийн алба
Өнөөдөр Эрүүл мэнд, спортын дэд сайд Т.Болдбаатар Монголын паралимпийн хорооны ерөнхийлөгч Д.Нямхүүг өрөөндөө хүлээн авч уулзлаа. Уулзалтын эхэнд дэд сайд Т.Болдбаатар Монголын паралимпийн хорооны ерөнхийлөгч Д.Нямхүүгийн хөдөлмөр зүтгэлийг төр засаг өндрөөр үнэлж, Монгол Улсын Ерөнхийлөгчийн зарлигаар Хөдөлмөрийн гавьяаны улаан тугийн одонгоор шагнагдсаныг дуулгаад шагналыг гардуулсан юм. Дашрамд дуулгахад, паралимпийн хүүхдийн наадам тавдугаар сарын 24-нөөс эхлэх юм байна. Ирэх долоо хоногоос олимпийн эрх авах тэмцээнүүд эхлэх бөгөөд энэхүү тэмцээнээс манай паралимпийн тамирчид оноогоо сайн цуглуулж, олимпид өндөр амжилт гаргах зорилго тавиад байгаа гэнэ. Мөн ирэх есдүгээр сард дөрвөн жилд нэг удаа болдог наадам Сочи хотноо болохоор төлөвлөгдөөд байгаа аж.
