Даншгийн наадмын шөвгийн найман бөх тунаж үлдээд байна

Монголын Бурхан шашны сүм хийдүүд, нийслэлийн ЗДТГ-тай хамтран энэ 5-наас 7-ны хооронд Хүй долоон худагт “Даншиг наадам-Хүрээ цам-2016” наадмыг зохион байгуулж байна. Хүчит 256 бөхийн барилдаан сугалаагаар явагдаж байгаа бөгөөд одоогийн байдлаар зургаагийн даваа үргэлжилж байна. Тодруулбал, даншгийн арслан Р.Пүрэвдавга, даншгийн заан Б.Гончигдамба, даншгийн өсөх идэр начин Ц.Содномдорж, залуу бөх М.Өсөхбаяр, Д.Тогтохжаргал, Б.Түмэндэмбэрэл, Б.Эрдэнэхүү, Ч.Эрдэнэсайхан нар шөвгийн наймд шалгараад байна. Тэднээс хэн нь түрүүлэхийг манай сайт уншигч танаа цаг алдалгүй мэдээллэх болно.