Дархан-Уул аймаг Нэгдсэн эмнэлгээ камерын хяналтад шилжүүлж эхэллээ

Дархан-Уул аймаг Нэгдсэн эмнэлгийнхээ амбулаторийг үзлэгийн кабинеттай нь, хагалгааны нэгдсэн тасгууд, хүлээн авахын орох, гарах хэсгүүдийг камержуулж эхэллээ.

Камерийн хяналтын хэсгүүдийг тус бүрт нь ахлаж байгаа эрхлэгч нарынх нь өрөөнд байрлуулжээ.

Хүчин чадлын хувьд эдгээр камер 14 хоногоос нэг сар хүртэлх хугацааны үйл явцыг бичиж хадгалах хүчин чадалтай юм.

Камержуулах ажлыг Эрүүл мэндийн яамнаас хийсэн 16 сая төгрөгийн хөрөнгө оруулалтаар хийж байгаа бөгөөд цаашдаа Нэгдсэн эмнэлгийн бүх тасаг, нэгжүүдийг бүрэн камержуулах юм.