Де Хеа долоо хоногийн 250 мянган фунтийн цалин авч багтаа үлдэх үү

Хөлбөмбөгийн солилцоо наймааны цонх ирэх сарын 1-нд нээгдэнэ. Энэ зуны наймааны хүрээнд хийгдэх томоохон солилцооны нэг нь “Манчестер Юнайтед”-ын хаалгач Давид Де Хеа дээр таарч магадгүй байна. Түүнийг “Реал Мадрид” клуб өөрийн болгохоор идэвхтэй хөөцөлдөж байгаа. Харин “Манчестер Юнайтед”-ын дасгалжуулагч Луи Ван Гаал: "Де Хеа явах эсэхээ өөрөө мэдэх байх" гэсэн утгатай ярилцлага өгсөн байдаг.

Гэхдээ бодит байдал дээр “Манчестер Юнайтед” багийнхаа гол хаалгачийг явуулахгүй байх бүхий л аргыг хэрэглэж байгаа ажээ. Хамгийн сүүлийн үеийн мэдээгээр тэд Де Хеад долоо хоногийн 250 мянган фунтын цалин амласан байна. Одоо тэрбээр өөрөө л шийдвэрээ гаргах үлдэж байгаа юм. Хэрэв үлдвэл сарын 100 мянга гаруй фунтын цалинг хүртэх боломжтой болно.

Хэрвээ “Юнайтед” багийнхаа гарааны хаалгачийг “Реал” руу үдвэл “Тоттенхэм” клубын Уго Льорисыг юм уу, “Сток Сити”-гийн Асмир Беговичийг авахаар ажиллах юм байна.