Дээд лигийн цувралын долоо дахь тэмцээн 22-нд болно
зургаан тэмцээнээс авсан нийлбэр оноогоороо дээд лигийн тэмцээнийг ДДХМ Ц.Хашчулуун (200 оноо) тэргүүлж, ОУИМ Г.Ганжаргал (192), ДДХМ Г.Гэрэлболд (154) удаалж байна
Мэдээллийн алба
Монголын даамын холбоо, "Алтан хүү" клубээс хамтран зохион байгуулдаг дээд лигийн цувралын долоо дахь тэмцээн энэ сарын 22-нд блиц төрлөөр болно.
Тус тэмцээний өнгөрсөн цуврал буюу “Чингис Опен” өнгөрсөн хоёрдугаар сарын 22-24-нд, рапид гуравдугаар сарын 31-нд, Хаврын гран-при дөрөвдүгээр сарын 19-21-нд, Зүтгүүрийн депогийн тэмцээн тавдугаар сарын 24-26-нд, “Эрчим Кап” долоодугаар сарын 6-нд, “Эрдэнэт Опен” тэмцээн наймдугаар сарын 16-18-нд зохиогдож, давхардсан тоогоор 568 даамчин оролцсон.
Эдгээр зургаан тэмцээнээс авсан нийлбэр оноогоороо дээд лигийн тэмцээнийг ДДХМ Ц.Хашчулуун (200 оноо) тэргүүлж, ОУИМ Г.Ганжаргал (192), ДДХМ Г.Гэрэлболд (154) удаалж байна.
