Дэлхийн ард түмэн Монголыг энэ дуугаар л төсөөлдөг

Дундговь аймгийн Дэрэн сумын уугуул, Монгол Улсын хөдөлмөрийн баатар, Ардын жүжигчин Н.Норовбанзад гэх гайхалтай уртын дуучны алдар нэртэй Монгол Улсын нэр хүнд үргэлж холбогддог. Түүний дуулсан “Уяхан замбуу тивийн наран” хэмээх дуугаар дэлхийн ард түмэн Монголыг төсөөлөн боддог гэнэ.

Тэрбээр энэхүү дуугаараа хүн зоноо уярааж, уртын дууны шуранхайг тал нутгийн тэнгэр дор эгшиглүүлэхийн сацуу тив алгасан зочилж, Монгол Улсаа сурталчилж явжээ.