Дэлхийн шилдэг 12 киног үнэгүй үзнэ

Соёл, спорт, аялал жуулчлалын яамны санаачлага, санхүүжилтээр Монгол-Францын Төв, Нийслэлийн Соёл Урлагийн газар, Монголын урлагийн зөвлөл хамтран “Улаанбаатар” олон улсын кино наадмыг эх орондоо анх удаа зохион байгуулах гэж байгаа талаар мэдээлэл хийлээ. Кино наадам аравдугаар сарын 4-9-ний хооронд Улаанбаатар хотноо болно. Наадмын хүрээнд дэлхийн А зэрэглэлийн Канн, Берлин, Венецийн 2013 оны олон улсын кино наадмуудад шилэгдэн шагнал хүртсэн, өнөөгийн кино урлагийн хөгжлийн чиг хандлагыг тодорхойлох нэр хүндтэй 12 шинэ бүтээл монголын үзэгчдэд үнэ төлбөргүй хүрнэ.