“Дугуйтай санта-2014” парад болно

“Оргил уулын дугуйн клуб”, “Монголын залуучуудын аялал жуулчлалын хөгжлийн төв” хамтран “Дугуйтай санта-2014” хөтөлбөрийг хэрэгжүүлэхээр болжээ. Уг хөтөлбөрийн хүрээнд энэ бямба гарагт “Дугуйтай санта” парадыг зохион байгуулахаар болсон байна.

Парадад 120-200 санта оролцох бөгөөд уг арга хэмжээнд оролцох хүсэлтэй хэн ч бүртгүүлэх боломжтой аж. Хамгийн гол нь бүртгүүлэх санта нарт дугуй, хувцас байх шаардлагатай гэнэ. “Дугуйтай санта” аянд оролцсон хүн бүрт сайн үйлсийн аяны нэгдэлд багтсаныг нь нотлон гэрчилгээ, дурсамж хадгалуулах юм байна.