Дууны урлагийн шилдгүүд чууллаа

УГЗ, хөгжмийн зохиолч Б.Бямбабаярын “Дэндүү дээ, дэндүү” уран бүтээлийн цэнгүүн боллоо. Тоглолтод түүний шилдгийн шилдэг дуунуудыг амилуулсан олон алдартай уран бүтээлч оролцож “Ээжээс ерөөл хүсэх дуу”, “Эрийн сайхан хийморь”, “Чойномын гунигт дуун” зэрэг гайхалтай уран бүтээлийг эгшиглүүллээ.

Ерээд оноос эхлэн Монголын дууны урлагийн томчууд нааддаг оны шилдэг дуу шалгаруулах “Морин хуур” наадмаас гурван түрүү, 12 их шөвөг авсан уран бүтээлчийн тоглолт дэндүү сайхан болж өнгөрлөө.