Дуурийн дуулаачид дэд байрт шалгарав

М.И.Глинкийн нэрэмжит Олон улсын дуурийн дуулаачдын XXV уралдаан ОХУ-ын Москва хотноо энэ сарын 9-19-нд болж өндөрлөв.
Уралдааныг ОХУ-ын Соёлын яам, Хөгжимчдийн олон улсын холбоо, Найрал дууны урлагийн академи хамтран зохион байгуулдаг бөгөөд манай улсаас энэ жил 16 дуучин оролцсон байна. 280 гаруй дуучид оролцсон уг уралдаанд О.Хүрэлбаатар, Ч.Бадрал нар дэд байрын шагналыг хүртжээ.
Уралдааны тэргүүн байрын шагналыг Украины Дитюк Валентин хүртсэн бол ДБЭТ-ын гоцлооч, Соёлын тэргүүний ажилтан О.Хүрэлбаатар, ОХУ-ын Гнесины академийн оюутан Ч.Бадрал нар дэд байрт шалгарчээ. Мөн Д.Бат-Эрдэнэ тусгай байрын шагналыг хүртсэн байна.