Ээж

Ээж нь дуу болно
Эгшиг яруухан аялгуу болно
Зовох цагт амандаа аялахаар
Зоригийг чинь нэмдэг түрлэг болно

Ээж нь нулимс болно
Эгшиж хатдаггүй гуниг болно
Зүрх сэтгэлийг чинь дэвтээж өгдөг
Зүйдэлгүй хүн чанар чинь болно

Ээж нь дурсамж болно
Эргэж ирдэггүй үүл болно
Жаргахын цагт эрхэлж нялхрах
Зовох цагт дэлгэж үзэх дурсамж болно

Ээж нь бодол болно
Этгээд холд орших мөрөөдөл чинь болно
Хатуу, зөөлөн үгтэйгээ хамт
Хажууд чинь үргэлж хамт явах бодол чинь болно