“Эх орны цэрэг-2014” яруу найргийн наадмын шилдгүүд тодорлоо

Монгол цэргийн өдөр, Зэвсэгт хүчний 93 жилийн ой, Халхын голын байлдааны түүхт ялалтын 75 жилийн ойг тохиолдуулан “Эх орны цэрэг-2014” яруу найргийн наадмын шилдгүүд тодорлоо.

Уг наадмыг эх орны сэдэвт яруу найргийн өв санг баяжуулах, цэрэг дайчид, ард иргэд, хүүхэд залуусыг эх орон, тусгаар тогтнол, түүх соёлоороо бахархах сэтгэлийг төрүүлэх, эх оронч үзлийг төлөвшүүлэх үүднээс явуулсан юм.

Уралдааны сүүлийн шатны шалгаруулт өчигдөр болж, 20 оролцогч шүлгээ дуудсанаас яруу найрагч С.Ууганбаяр, Л.Ганзул, Ч.Ууганбаяр нар эхний байруудад шалгарчээ.