Эмэгтэй боксчдын ДАШТ өнөөдөр эхэлнэ

Сонирхогчдын боксын насанд хүрэгчдийн 11 дэх удаагийн ДАШТ ОХУ-ын Улаан-Үүд хотноо өнөөдөр эхэлнэ.

Тэмцээн энэ сарын 13 хүртэл болох бөгөөд манай улсаас дасгалжуулагч Б.Пүрэвжаргал, М.Буянжаргал, Л.Энхбаяр, багийн эмч Э.Энхбаяр нарын бүрэлдэхүүнтэй баг тамирчид оролцох юм.

• 48 кг: 2019 оны ААШТ-ий хүрэл медальт Б.Мөнгөнсаран

• 51 кг: Л.Алтанцэцэг

• 54 кг: Э.Мичидмаа

• 57 кг: ААШТ-ий алтан медальт Т.Болортуул

• 60 кг: ААШТ-ий хүрэл, ОУХМ Н.Намуун

• 69 кг: Э.Эрдэнэтуяа

• 75 кг: М.Мягмаржаргал нарын тамирчид оролцож байна.

Энэ удаагийн тэмцээнд манай улсаас AIBA-н гурван одтой шүүгч Г.Бадрах оролцож байна.

Монгол Улсаас эмэгтэйчүүдийн ДАШТ-ээс 2018 онд М.Нандинцэцэг, 54 кг-ын жинд хүрэл медаль хүртэж, Монгол Улсын насанд хүрэгчдийн дэлхийн аваргын анхны медалийг эх орондоо авч ирж байлаа.