Энэ амралтын өдрүүдэд дараалсан барилдаантай

Монголын үндэсний бөхийн өргөөнд энэ амралтын өдрүүдэд дараалсан барилдаантай. Арванхоёрдугаар сарын 20-ны өдөр буюу бямба гарагт "Дөрвөн уулын хишиг" цуврал барилдааны үргэлжлэл "Богдхан хайрханы хишиг барилдаан"-тай бол маргааш нь буюу 21-ний ням гарагт 14:00 цагаас Сэлэнгэ аймгийн нэрэмжит аймаг, цэргийн цолтой бөхчүүдийн барилдаан болох гэж байна.

Энэ барилдаанд аймаг, цэрэг, сумын цолтой 256 бөх зодоглоно. Харин "Богдхан хайрханы хишиг барилдааныг "Монголын Үндэсний Бөхийн Холбоотой хамтран АПУ хувьцаат компани түүхт 90 жилийнхээ ойн хүрээнд ивээн тэтгэж зохион байгуулж байгаа бөгөөд бөх үзэгчдээс хагас саятан хоёрыг, мөн азтан үзэгч хоёрыг тус тус тодруулах аж.