Эрдэмтэд аалзны дуурайлгасан торгон утас бүтээжээ
Аалзны торго нь хүр хорхойн торготой харьцуулахад хамаагүй өндөр чанартай байдаг бөгөөд аалзны торгон утсыг хамгийн бат бөх, дээд зэргийн байгалийн гаралтай утас гэж үздэг байна.
Мэдээллийн алба
Хятадын эрдэмтэд аалзны торгон утсыг нарийн судалсны эцэст хиймлээр боловсруулах хамгийн тохиромжтой аргыг олж нээсэн талаар CCTV мэдээллээ.
Урд хөршийн Нанкай их сургуулийн эрдэмтэд полиакрилийн хүчлээс гаргаж авсан гидрогелийн утас ашиглаж, дуураймал аалзны торго хийх боломжтой талаар өнгөрсөн мягмар гарагт мэдэгдсэн юм. Энэ материал нь шинж чанарын хувьд жинхэнэ аалзны торготой харьцуулж болохуйц өндөр чанартай гэдгийг онцолсон байна.
Аалзны торго нь хүр хорхойн торготой харьцуулахад хамаагүй өндөр чанартай байдаг бөгөөд аалзны торгон утсыг хамгийн бат бөх, дээд зэргийн байгалийн гаралтай утас гэж үздэг байна.
Дэлхий нийтэд торгоны уураг бүхий аалзыг аж ахуйн зориулалтаар өсгөн үржүүлэх оролдлогыг өмнө нь олон удаа туршиж байсан ч төдийлөн амжилт олоогүй ажээ. Тиймээс аалзны торгон утсыг чанарын өндөр түвшинд дуурайлган хийх нь бөс даавууны үйлдвэрлэлд томоохон ахиц дэвшил авчрах аж.
