"Эрдмийн оргил" сургуулийн нэгдүгээр ангийн сурагчдад эрт илрүүлгийн үзлэг хийж эхэллээ

Ерөнхий боловсролын сургуульд суралцаж буй 6 настнуудын нүд, шүд, зүрхний эмгэгийг илрүүлэх эрүүл мэндийн урьдчилан сэргийлэх, эрт илрүүлэг үзлэг Налайх дүүрэгт эхэллээ.

Салбар хоорондын хамтын ажиллагааны хүрээнд төр, хувийн хэвшлийн ерөнхий боловсролын 9 сургуулийн нэгдүгээр ангийн 894 хүүхдийг тус үзлэгт хамруулахаар урьдчилсан байдлаар төлөвлөөд байна.

Өнөөдрөөс "Эрдмийн оргил" сургуулийн сурагчдад үзлэг хийж эхэллээ.

Үзлэгээр илэрсэн өвчлөлийг эмчлэх, эрүүлжүүлэх, хянах ажлуудыг цаашид хийх юм.